For teachers and young people from nursery to university

Scuilwab - leuk efter yer leid

Ma Teddy's Bumped His Heid

A poem tae enjoy wi wee fowk.

Ma teddy's bumped his heid.
Ma teddy's heid is sair.
A'll pit a clootie roon it
an shaw him that A care.
Ma teddy's heid is better.
A'll row the clootie up
an we'll drink pretend het chocolate
frae teddy's favourite cup.
A think ma mammy wants me.
A'll pit teddy on his chair
an whan A gang tae bed the nicht
A ken A'll find him there.
Aw nicht ma teddy hugs me
until the brak o day
an whan A come hame frae nursery scuil
A ken he'll want tae play.