Bairns an teachers aw ower the North-East are enjoying thir leid.
Lilian Ross wis pairt o a Continuing Professional Development Event in Aiberdeen for teachers run by Education Scotland's literacy team.
Lilian Ross wirks wi scuils aw ower the North-East. Her wark includes storytelling, sangs an practical activities.
Shortlins she wirkt wi Primary 7 bairns at Mortlach Primary School in Dufftown. The bairns war delichtit wi thir Doric stories so they wirkt on thaim farder, acting thaim oot for primary 4. The primary 4 cless voted for thir favourite ane.
A local gless artist (Maggie Carroll) illustratit the stert, middle an end o the winnin story creatin three ootstaunin art warks for the scuil library. Fun for awbodie.
Sangs, stories, ploys an puzzles for early years an new Scots lairners.
Read thaim noo»
PooerPynts,ideas tae get stertit an ither yissfae resources. mair»