Photo used under Creative Commons from mos
The wird 'reid' can be yaised in compound wirds. Dae ye ken onie?
As early as the fifteenth century, criminals war 'apprehendit wi the red hand'. It wis not until the nineteenth century that the form ‘red-handed’ wis yaised by Sir Walter Scott an wis taen up sooth o the Border.
Reid shanks may be foond on a wadin bird, bit the reid o the shanks caused by exposure tae the elements cud hae been the rationale ahint the nem redshanks as a nem for a Highlander. The Bannatyne Miscellany (1827-1855) quotes frae a letter scrievit in 1542 by a Highlander: We...goynge alwaies bair leggide and bair footide,...the tendir delicatt gentillmen of Scotland call us Reddshankes.
'Red-lichties', as aw fitbaw enthusiasts ken, are fowk frae Arbroath. The nicknem cam frae a misfortunat incident whaur a herbour licht wis pentit reid. This makkit the licht invisible frae the sea. Syne, the nem his been adoptit by the Red-lichties thirsels.
Movin on tae craiturs, reid-doups or reid-belties are species o bee wi reid on the abdomen; reid-gibbie is the stickle-back; the reid-back is the ladybird an a reid-sodger is a kin o reid spider.
Sangs, stories, ploys an puzzles for early years an new Scots lairners.
Read thaim noo»
PooerPynts,ideas tae get stertit an ither yissfae resources. mair»