For teachers and young people from nursery to university

Scuilwab - leuk efter yer leid

DOOK

DOOK
October is a grand time tae 'dook' for aipples.

Quotations gie us an insicht an evidence o the different senses o the wird ‘dook’. Can ye find reference tae 'dookin for aipples' in poems, sangs or rhymes?

The entry for 'dook' in the DSL includes a quote frae A. G. Murdoch Laird's Lykewake (1877):
"But as the eerie licht I neared, It aye play'd dook, an' disappeared."

Is there oniethin by-ordinar in the wey 'dook' is yaised here?

Did ye ken that...
In Middle English d(o)uke is relatit tae Middle Dutch and Middle German and Old English.

Can ye find oot mair aboot the wird 'dook'?

Ither DSL quotations tae think on:

D. M. Moir Mansie Wauch (1839):
"And my hair was . . . as wet as if I had been douking in the Esk."

G. Robertson Har'st Rig (1801):
"But Highlanders ne'er mind a douk, For they're nae sawt."

A. Cheviot Proverbs 49 (1896):
"As weel try to sup soor dook (milk) wi' an elshin."

The Scotsman(2002):
"From that very small beginning, with only a handful of 'dookers', we now welcome upwards of 150 participants and well over 1,000 spectators from all over the world."

Consider the weys that the wird 'dook' is yaised in
(a)‘a hid a dook in the sea’ an
(b)‘he dookit his breid in the gravy’?

Ye micht leuk at the entry unner 'dook' in the 'Concise Scots Dictionary' or unner 'dook' in 'The Essential Scots Dictionary'.

Stertin Oot

Readers stories

Sangs, stories, ploys an puzzles for early years an new Scots lairners.
Read thaim noo»

Teachers' area

Teachers area

PooerPynts,ideas tae get stertit an ither yissfae resources. mair»